माझी माय
माझी माय
1 min
218
माझी माय म्हणजे दुधावरची साय
माझी माय म्हणजे गोठ्यामधली गरीब गाय
माझी माय म्हणजे मायेचा अथांग सागर
माझी माय म्हणजे प्रेमाने तुडुंब भरून सांडणारी घागर
माझी माय म्हणजे अतूट सहनशीलता
माझी माय म्हणजे सीमा नसलेली प्रेमाची क्षमता
माझी माय म्हणजे निःस्वार्थ राबणारा सूर्य
माझी माय म्हणजे न खचणारे धैर्य
माझी माय म्हणजे निर्मळ प्रेमाचा झरा
माझी माय म्हणजे मायेचा संथ वाहणारा झरा
माझी माय म्हणजे निरभ्र न संपणारे आकाश
माझी माय म्हणजे वाळवंटात पाण्याचे सुखावणारे भास
माझी माय म्हणजे अमर कीर्ती
माझी माय म्हणजे ममतेची जिवंत मूर्ती