Library
माझे पहिले प्रेम
माझे पहिले प्रेम
1 min
124
माझं पहिलं प्रेम नेहमीच
माझ्याच पहिल्या कवितेवर |
लेखनीस प्रोत्साहित करणा-या
अप्रकाशित त्या ज्ञान सवितेवर | |१| |
पहिलं प्रेम हे कधी नाहीच
विसरता येत हे अगदीच खरे |
माझ्या ह्या कवितेची कहाणी
मी तरी कशी विसरेन बरे? | |२| |
प्रेमात पडलं की वेडं व्हायला होतं
सा-यांनाच सुचत नाही काहीच |
तसंच झालं माझं मी आजही वेडी
मला गर्व ती कविता माझीच | |३| |
माझी पहिली कविता मला कायम
नेते बालपणीच्या आठवणीत |
आठवते इन्स्पेक्शनच्या दिवशीची
फजिती आमची साठवणीत | |४| |
माझ्या पहिल्या कवितेनं दिलंय
मला साहित्याचे नवेच दालन |
तिच्याच मुळे लिहायला शिकले
मी करीत सर्व नियमांचे पालन | |५| |
