कविता

सागराची गाज त्याची गीत असते कविता 

स्पंदनांची आर्तता आणि मीत असते कविता

गर्जणाऱ्या मेघमाला,भेदणारी चंचला

श्रावणाच्या सरींमधली प्रीत असते कविता

सांडते आयुष्य जेथे,छिन्न होती बंधने

शब्दनाते सांधणारी एक रीत असते कविता

घाम जेथे सांडतो,अन फुल येई मातीतूनी

कष्टणाऱ्या घर्मथेंबी जीत असते कविता

गांजले आयुष्यभरी,जखम युद्ध भोगले

थोपवे जी सांत्वने, ते हीत असते कविता

ज्ञानियाची होत ओवी,माळ होते तुकयाची

विठ्ठलाच्या पायीची ती वीट असते कविता