कोरोना

कोरोनाने कमाल केली 

सारी दुनिया त्रस्त झाली 

काय आजार हा आला 

मानव हतबल त्याने केला 

सारे जग संकटाच्या खाईत 

नातेगोते विचारीना त्यात 

जो तो आपला विचार करतो 

कोरोना भितीने जीव घाबरतो 

सारी दैना जगाची उडविली 

भल्याभल्यांची त्याने जिरवली 

अहंकार,न्यूनगंड त्याने संपवला 

मानवतेचा धडा शिकविला 

गोरगरीबांचे हाल खूप झाले 

उपासमारीने जीवन भयान जगले 

माणूसकीने हृदय हेलावले 

अन्नदानासाठी हात सरसावले 

नात्यागोत्यांची भांडणे झाली 

भावाभावात वाटणी झाली 

गावात विचारीना कुणी कुणाला 

रक्तातच अस्पृश्यतेचा विटाळ झाला 

कोरोना आजार भयंकर 

दुर्लक्ष्य केल्यावर नाही सोडणार

तोंडाला मास्क गर्दीत लावावे 

कोरोना विषाणूला पळवावे 

कामधंदा होईल सुरळीत 

लस कोरोनाची आहे सुरक्षित 

बळी पडू नका अपप्रचारास 

आमंत्रण नको पुन्हा संकटास 

आपल्यामुळे नको कुणाला त्रास 

लग्न,वाढदिवस,टाळावे हमखास 

सुरक्षित अंतराचे पाळावे नियम 

वाढवावे त्यातूनच खरे मानवप्रेम