कोरोना एक विपत्ती
कोरोना एक विपत्ती
व्यस्त होतो आपण सर्वजण
आयुष्याच्या दैनंदिन व्यापाने
खडबडून जागे झालो सगळे
कोरोना विषाणूच्या तापाने
सगळी श्वसन यंत्रणा ग्रासतो
घेऊ देत नाही मोकळा श्वास
कुणास ठाऊक घेईल कुणाचा
येणारा काळ निर्घृणपणे घास
दृष्टीस नं दिसणाऱ्या शत्रूमुळे
सर्व जग अचानकपणे थांबले
प्रदुषण प्रचंड प्रमाणात घटले
हे झाले त्यातल्या त्यात चांगले
कोण श्रीमंत वा गरीब आहे?
कोणाकडे आहे किती संपत्ती
त्याच्या पुढे सर्व समान आहेत
कोणावरही येऊ शकते विपत्ती
आपल्या सोयीसाठी आपण
इतर प्राणीमात्रांना दुखावले
स्वच्छंद विहार करीत आहेत
ते काही दिवसांकरिता सुखावले
सर्व जगाला व्यापले आहे त्याने
मोठा आहे परीघ आणि व्याप्ती
तोच या अग्निदिवयातून वाचेल
ज्यात असेल रोगप्रतिकारक शक्ती
अवघे जग ढवळून निघेल
मानवाला बसेल त्याची धग
सगळे शांत झाल्यावर दिसेल
अगदी बदललेले नवे जग