कलाकार

आयुष्याचा रंगमंच...

पात्र अगणित जिथे ,

चुरशीचे कला युद्ध 

स्मरणात राहे तिथे !......१

धडपड प्रत्येकाची...

पात्र वठवण्या नीट , 

कोऱ्या प्रश्नपत्रिकेत 

उत्तरांची ओळ धीट !......२

कधी मुखावर हर्ष....

आत पेटता निखारा ,

सुखावण्या दुसर्‍यांना

मनी दुःखाचा निवारा !....३

जन्म मृत्यूच्या मधले....

वेचे आनंदाचे क्षण , 

तोच कलाकार खरा

स्मरणात नसे धन !.......४

हाती येई शून्य तरी...

पराकाष्ठा प्रयत्नांची ,

जिंकलेल्या बाजी मध्ये

तोडमोड भावनांची !.......५

बहरल्या जीवनात....

धोका,धडा गुरु ठरे ,

चुकांतून नित्य पुढे

अनुभव गाठी भरे !........६

आहे दान श्वास, देह.....

रोज चाले कसरत ,

रंगभूमीवर नाव ,

छाप आपली कोरत !.......७