जीवनदाता पाऊस

गीत जीवनाचे गाण्या रिमझिम झाली बरसात 

सतार जलदांची छेडुनी जीवन घेवुनी आलास !!

साद माझी रे ऐकून सखया आलास धावून

मंद धुंद मृदगंधानं मोहक रे झालं मन 

इंद्रधनुचे रे रंग मिसळले जीवनात !!

गुदमरलेल्या या जीवा होता तुझाच रे ध्यास

गार गार स्पर्शानं झाला मोकळा हा श्वास

सारा हरित हा साज लेऊन नटली रे आज !!

आगमनानं तुझिया चराचर सुखावलं

सहवासानं तुझिया मन सजलं सजलं 

अशा भेटीची पर्वणी लाभू दे रे दे आजन्मा !!