II निरोप माझा सरत्या वर्षा -------
II निरोप माझा सरत्या वर्षा -------
कडूगोड आठवणींची गोळाबेरीज करतो आता
आणि निरोप हा माझा या सरत्या वर्षाला,
भूतकाळात जाऊन येतो मी
रंगवतो स्वप्नांचे मनोरे येणाऱ्या भविष्याला II १ II
बऱ्याच छोट्यामोठ्या स्वप्नांचा चुराडा झाला
आता मात्र नवीन वर्षाचे गणितं मांडतो मनात,
प्रचंड आशावादी असल्याने ठरले सर्व मृगजळ
परंतु आता अपेक्षित आहे होईल काही चमत्कार II२ II
येणारा प्रत्येक दिवस नवीन आशा पल्लवित करतो
परंतु उगवणारा सूर्य मावळतीला जातोच,
सरकारी योजनाही वर्षानुवर्षे चालतातच
तरीही हताश न होता त्या पूर्ण होतातच II३ II
करूयात नवीन वर्षाचा नवीन संकल्प
गरज आहे ज्याची जाणीव झाली या वर्षात
मोबाइल सारख्या डिजिटल युगांत
संवाद वाढवून असणारी नाती जपुयात II४ II
सामाजिक जाणीवेच बंधन ठेवताना
मित्र आणि पुस्तकांची मैत्री वाढवूयात
स्वतःला आणि कुटुंबाला वेळ देऊन
मस्त निसर्गाची भटकंती करून स्मृती जपुयात II५ II
सूर्याचे उगवणे थांबणार नाही
तर चंद्राचे मावळणेही थांबणार नाही
येणारी जाणारी वर्षे येत-जात राहतील
परंतु २०२० मात्र कायम लक्षात राहील II ६ II