गुरु तत्वाचे विचार

अज्ञानाचे अंधकार

दुर करते जी शक्ती |

देते प्रेरणा आम्हाला

करण्यास गुरु भक्ती ||१||

अंधारास उजेड़ात

खोट्यातून खरे सार |

मृत्यूतून अमृत हे

गुरु तत्वाचे विचार ||२||

शब्द ब्रम्ह जाणकार

श्रेष्ठ ब्रम्ह आचरण |

करे शिष्यास समर्थ 

येई त्याचे जो शरण ||३||

*गुरुर्ब्रम्हः* रुपमध्ये

आई पहिली निष्पत्ती |

ब्रम्हा सारखी आईने

होते मानव उत्पत्ती ||४||

*गुरुर्विष्णूः* आहे बाप

गुरु दुसरा भुषण |

विष्णू सारखा करतो

बाप घराचा पोषण ||५||

*गुरुरेवंः महेश्वरः*

गुरु तिसरी धारणा |

शिस्त शंकर सारखी

देतो ज्ञानाची प्रेरणा ||६||