गुलामगिरी

अन्यायाविरूद्ध आवाज उठवा

नका सोसू गुलामगिरी 

सोशिकतेच्या तोडून बेड्या 

सत्याचा चढवा मुकुटशीरी॥१॥

चाली परंपरांचे जंजाळ

गुरफटून कशास बसावे

नव्या विचारांसोबत जात

सलोख्याने एकत्र हसावे॥२॥

पुढारलेल्या विचारांची 

उभा करावी उंच गुढी 

संस्कारांना न विसरता 

निर्माण करावी नवी पिढी॥३॥

थांबवा गुन्हेगारीला

होईल सुरळीत मग सारे

खत पाणी नका घालू

अडमुठे वागणे नाही बरे॥४॥

पैसा असावा गरजेपुरता 

हाच ध्यास बाळगा मनी 

हव्यासाच्या मानगुटीवर 

लालसेचा चढे धनी॥५॥

नका शोषणाचा भाग बनू

उघडा मनाची दारे सदा

खोळबंलेल्या भावनांचा 

होऊदे निचरा सदा ॥६॥

अन्यायाची तिडीक उठू दे

होऊ दे धमन्यांना गरम

अधःपतन करणार्यांना 

वाटू दे थोडीशी शरम॥७॥