गप्पांचा पाऊस

रिपरिपत्या संध्याकाळी 

निळ्या सावळ्या मेघाबरोबर

तू यायचीस

येताना गप्पांचा पाऊस घेऊन यायचीस

इतके चिंब भिजनं व्हायचो आपण की

ख-या पावसांच फक्त पडणंच राहायचं 

मग पावसाचा शब्द व्हायचा 

चिंब चिंब भिजायचो

क्षितीज हलकं हलकं व्हायचं 

आजही तशीच संध्याकाळ आहे

रिपरिपती

निळ्या सावळ्या मेघाबरोबर आलीय 

पण.......

यावेळी तू नव्हतीस

गप्पाचा पाऊस नव्हता 

हो, पाऊस होता पण एकटाच 

येवढा कंटाळवाणा प्रवास

करून आलेला पाऊस 

तिकडं तो एकटा 

इकडं मीही एकटाच 

डोळ्यांतला पाऊस मोकळा करतोय 

या रिपरिपत्या संध्याकाळी