एक हरवलेली ओळ
एक हरवलेली ओळ
1 min
365
माझ्याच कवितेतली
एक हरवलेली ओळ
शोधले तिला जुन्या कवितेत
लिहिले काहीसे नव्या कवितेत
पण मिळत कुठेच नव्हती
ती हरवलेली ओळ
तिच्यावरचे शब्द हृदयाची
स्पंदन वाढवायचे
तिच्यातला गंध सारे
विसरायला लावायचे
पण ती दिसेनासी होता
उठली वेदनेची कळ
माझ्याच कवितेतली
एक हरवलेली ओळ
ती शोधताना झाली
जगण्याची तडफड
पानं फडफडली चाळताना
शब्दांचा झाला कल्लोळ
माझ्याच कवितेतली
एक हरवलेली ओळ
शोधुन संपले सारे मग
गाठला आकाशाचा तळ
नभातल्या चांदण्यात
उडाली एकच खळबळ
हुंदका गळ्यात दाटतो
धुंडाळता तिला गगनभर
माझ्याच कवितेतली
एक गोजीरी ओळ लडिवाळ