ध्येय

काम असे कठीण नसे अशक्य 

पूर्णविरामानंतर तयार होई नवीन वाक्य 

दोष न दे नशिबी प्रयत्नांना मुकू नको 

अरे वेड्या ध्येय मात्र सोडू नको 

असंख्य आपले वैरी नको त्यांची भ्रांत

लक्ष्य ध्यानात ठेवून तू चाल निवांत 

शत्रूंची भीती बाळगून मान झुकवू नको 

अरे वेड्या ध्येय मात्र सोडू नको 

चंचल मन नाही स्थिर 

हरलो तरी न सोडे धीर 

घेतलेला वसा विसरू नको 

अरे वेड्या ध्येय मात्र सोडू नको 

स्वप्नपूर्तीचे ध्येय तुझे 

विजयी डंका सर्वत्र बाजे 

अर्ध्या वाटेवरून परत फिरू नको

अरे वेड्या ध्येय मात्र सोडू नको  

जन्माला येऊनी घे जगून 

नको न बघू मागे फिरून 

सामान्य माणूस म्हणून मरू नको 

अरे वेड्या ध्येय मात्र सोडू नको