डॉक्टर दिन....

देवदूत हो अमुचे तुम्ही 

तुम्हास वंदन आज करतो

अढळ राहो तुमची निष्ठा 

सतत स्मरण हे तिचे करतो 

काळ असला जरी कसोटीचा 

मागे तुम्ही हटत नाही 

रुग्णसेवा ही अविरत देता 

पर्वा स्व-जीवाची करत नाही 

पेशा जरी असला अखंड सेवेचा 

प्रसंग येतच असतील मोठे कठीण

मात करून त्या प्रसंगांवरती 

जिद्द तारून नेई तुम्हा प्रतिदिन 

भान जगण्याचे, भान जगवण्याचे 

भान रूग्णसेवेच्या अखंड व्रताचे

भान जबाबदारीने वागण्याचे

देते समाधान आयुष्यभराचे

अनंत असती उपकार तुमचे

आजाराशी लढण्या बळ हे दिले 

उपचार करून रुग्णांवरती

एक नवे जीवनदान दिले

दानाची या महती मोठी 

पुनर्जन्मच जणू तुम्ही दिला 

खरं सांगतो, डॉक्टर तुमच्यांत 

आम्हा सर्वांनाच देव दिसला 

देवाचे हे रूप आता

आम्ही फक्त मनी साठवतो 

डॉक्टर नावाच्या देवदूताचे 

अनंत उपकार कायम स्मरतो