चवणेश्वराची महती

डोंगराच्या पायथ्याशी

 सुंदर माझे खेडेगाव

 सातारा जिल्ह्यातील

 करंजखोप त्याचे नाव

 गावाच्या चहुबाजूंनी

 ओढा वाहतो झुळझुळ

  गच्च झाडी मधून 

पक्षी गातात मंजुळ 

गावाच्या सीमेवर रक्षणा

 मारुतीराया उभा

 समोर झाड अशोकाचे

 पार वाढवितो शोभा

 डोंगराचे नाव चवणेश्वर

देव चवणेश्वर उभा गडावर

 वरती असे एक बारव सुंदर

 उन्हाळ्यातही देई गोडपाणी थंडगार

अश्विन आपल्या चौथ्या रविवारी

देवाच्या जत्रा भरती

 गावातही सुंदर देऊळ 

काय सांगू त्याची महती

डोंगरावरती जाताना लागते

 झाड एक आंब्याचे

म्हणती तेथे स्थान आहे

 देवा चवणेश्वराचे 

जत्रे दिवशी वरती जाताना

फक्त आंब्याचा मोहोर दिसतो

 जत्रा संपवून खाली येताना

 कैरीने आंबा भरून जातो

जाताना तुम्हाला दिसणार नाही 

एकही कैरी झाडाला

 खाली येताना बघाल तर

 आंबा आलाय पाडाला

कैरीचे घोस  बांधतात

 देवाच्या पालखीला

संचारतात अंगात वारे जेव्हा

 निघतो देव मिरवणुकीला

या माणसांना सारे देव

 आले असे म्हणतात

नसतेच भान कोणाचे

 कड्यातूनही उड्या मारतात

त्यांना साधे खरचटत नाही

 काहीच होत नाही त्रास

 देवा चवणेश्वराची 

 हीच आहे ख्याती खास