बोलणार आहे
बोलणार आहे
1 min
184
बोलणार आहे आज मी
तू कितीही थाबंवशील मला
साचलेल्या आठवणींना
सांगायचय आज तुला॥१॥
बालपण सरले सारे
कोवळे मन झुलले सदा
अलवार डोलले वेलीवरती
बागडले अंगणी सदा ॥२॥
बोरं चिंचा खूप चाखल्या
संवंगड्यांच्या सोबत
आईबाबांना पाहीले
संसारासाठी राबत॥३॥
बघता बघता आले तारुण्य
सौंदर्याने मोहरले मन
प्रेमात पडता तुझ्या
रोमांचित झाले अवघे तन ॥४॥
बहरला संसार आपुला
फुलले गोकुळ दारी
जवाबदारीची शाल
घेतली पांघरून सारी ॥५॥
बघ सारे रूळले आहे
आता काढ वेळ जरासा
थोडे तुझे थोडे माझे
अध्याय ऐकू या जरासा॥६॥