अवचित भेटीत
अवचित भेटीत
अवचित भेटीत तुझिया मिठीत
जसा पाऊस भेटतोया मातीला
तसा चांद पुनवेचा ...हा...!
पाहण्या आतुर चांदणीला।।धृ।।
वनवा भडके रोमारोमात तारुण्याचा
ओळखणारे जिव काळजाच्या राणीचा
रे सख्या ही हरीण काया प्रेम माया
गंध कस्तुरीचा भिनलाया या प्रितीला...
...जसा चांद पुनवचा हा
पाहण्या आतुर चांदणीला।।१।।
गोऱ्या गाली खळी लाजते
किन् किन् कंगण मनी वाजते
माझं काळीज करतया धक् धक्
हा गुलाब ओठाचा भिडूदे ओठाला...
.....जसा चांद पुनवचा हा
पाहण्या आतुर चांदणीला।।२।।
दुरून दुरून अन् चोरून चोरून
का हो खेळ खेळता नजरचा आडून आडून
जवळ घेउनी नजर नजरेला देऊनी
विझवाना या कंदील दिवा वातीला
.....जसा चांद पुनवचा हा
पाहण्या आतुर चांदणीला।।३।।