अर्थ

जन्म-मृत्यूचा अर्थ उलगडत उलगडत

काळ्या सावळ्या ढगातून

काही ओघळ सुखांचे बिलगत असताना 

काही संदर्भ आणि काही नाती

पुन्हा पुन्हा आठवत राहतात

ते बंध ते अनुबंध

ते संदर्भ ती नाती

ते जखडलेले श्वास 

सगळ्या सगळ्यांचे

अवशेष गळून पडतात

त्या मूक समाधीवर

आणि त्या जन्म मृत्यूच्या 

प्रतिबिंबातला तो काळोख 

एक नवीन स्वगत सांगत 

एक नवा अर्थ उलगडत राहतो

साक्ष सत्याची देत राहतो

गुढतेचे गुपित सांगत राहतो

मौनाची परिभाषा आणि 

खोल डोहातील हुंकार

एक अनामिक ग्वाही देत राहतात

रोज एक नवा अर्थ उलगडत राहतो