अभंग
अभंग
1 min
372
जाता पंढरीशी।सुखाचाच ठेवा।
दर्शनाचा मेवा। माऊलीच्या।
विठू माऊली ती।वास्तव्य राऊळी।
भक्तांची सावली।दिगंतात।
चंद्रभागा तिरी।होता गंगास्नान
पापाचे क्षालन।मोक्षप्राप्त।
अबीर बुक्याचा।टिळा तो कपाळी।
आशीर्वाद भाळी।विठूचाच।
वारकरी संता।तुळशीच्या माळा।
लेवूनिया गळा। भक्ती करी।
पुंडलिकासाठी।उभा विटेवरी।
तिष्ठत पंढरी।वाट पाहे।
जना,नामा,तुका।विठूची लेकरे।
मजला स्विकारे।माऊली तू।
जोडूनिया कर। टेकवितो माथा।
कृपा जगन्नाथा। असु द्यावी।
विठूशी मागणे।हटावा दुष्काळ ।
बळीला सुकाळ। सुखलाभ।