आयुष्य झाले कमी

आयुष्य झाले कमी 

मज जगणे समजेना 

नात्याच्या बंधनातील

मज कोडे ऊमगेना ॥१॥

कुतरओढ मनाची

थांबवावी कशी कळेना 

घुसमटलेल्या भावनांना 

वाट मोकळी मिळेना ॥२॥

नात्यातली घालमेल 

कुस्करून टाकली पायदळी

विचारात डोकावताना

पाहते मी सोनसळी ॥३॥

आभासी जीवनाचा का 

शेवट कधी नसावा 

मनाजोगते जगण्याचा 

मज हक्क का नसावा ॥४॥

थोपवलेल्या भावनांना 

कधी होईल कचरा 

पडद्याआड का होईल 

नुसता त्याचा कचरा॥५॥

कसे लढावे जगण्यासाठी 

हातातल्या नशीबासाठी

का समोर पसरावे हात 

दोन वेळच्या भाकरीसाठी॥६॥

कशास हवी वृत्ती नेबळी

हाती ताकद घडण्याची

विश्वासाच्या जोरावर

हिम्मत असे घडण्याची ॥७॥