आठवणीतील क्षण

कोकणात जाऊ नि

चार दिस राहू

ठरलं बुवा आमचं पक्कं

कधी नव्हे ते बिनविरोध चक्कं

वळणाची तेढी ही वाट

संपता संपेना हो घाट

निसर्गाचा दिसे भारी

काय तो न्यारा थाट

माशांच्या कालवणाची पंगत

रात्रीच्या चांदण्यांची संगत

बच्चे मंडळी मग जोरात

आनंदा आलीया रंगत

किना-याची मजा ती काय

निघना तिथून पाय

वेळ कसा गेला बाई

परतीची झाली आता घाई

कोकणातील रम्य आठवण

गुरफटले माझे मन

बिनघोर चार दिन

आवडतात माझा तो क्षण