आठवडा

आठवडा शब्दात जरी

येत असले आठ

बनतो तो होऊन

सात वारांची गाठ

वार आवडीचा

रविवार आरामाचा

सोमवार कामाची 

सुरुवात करण्याचा

सोमवारच्या धावपळीने

होते खूप दमछाक

मंगळवारी कसंबसं

रूळावर येतं गाडीचं चाक

दोन दिवस संपता

हजेरी लावतो बुधवार

अर्धा आठवडा संपल्याचा

संकेत देई गुरुवार

शुक्रवारी येई मजा

रविवारची स्वप्नं पाहताना

शनिवारी तर शीणच

येतो कामं आटपताना

सात वारांचा आठवडा

कळत नाही कसा जातो

गोड आठवणींची शिदोरी

मागे मात्र ठेवतो

आठवडाभराची तयारी

रविवारीच करावी लागते

नाहीतर तारेवरच्या कसरतीला

सामोरे जावे लागते