आता निघायला हवं
आता निघायला हवं
आता निघायला हवं,
बराच वेळ थांबलो आज,
काही कळते का पाहिलं,
तुझ्या मनातलं गूज...
तुझे डोळेच बोलून गेले सारे,
शब्दांना बहुतेक जागा नव्हती,
एक स्पर्श उरला होता कळण्यासाठी,
मिठी तेवढी पुरली होती...
थांब म्हणू नकोस सखे,
माझे पाऊल अडखळतील,
निरोप पेलवेना झाला,
तर उगाच आसवे ओघळतील...
आता निघायला हवं,
बराच वेळ थांबलो आज...
ही आठवण सोबत घेऊन जातो,
म्हणजे लागेल पुढच्या भेटीची आस...