आसवांच्या खेळात
आसवांच्या खेळात
तुझ्यामुळंच सखे रान आज हे झुरलं
मरण येऊन दारा पुढं का आज हे उरलं
तुझ्या आठवणीत ही रात्र रोज येते
आसवांच्या खेळात तू तर मात्र होते
थेंब थेंब साठून सखे सपान मी पेरलं
मरण येऊन दारा पुढं का आज हे उरलं
वाहणारा वारा सुगंध घेऊन आला
त्यानं ही मस्करीचा पारा वरती नेला
मस्करीनं त्यानं माझं हसू ही पुरलं
मरण येऊन दारा पुढं का आज हे उरलं
साखर झोप माझी मज खुणावत होती
बघ ती ही किती हट्टी नजरेच्या आड येती
तिनं साऱ्या स्वप्नांवर माझ्या पाणी फेरलं
मरण येऊन दारा पुढं का आज हे उरलं
मनाला समजावून जगी वेगळं राहतो
ती नसताना आज मी जरा वेडा वागतो
वेड लागलं तिनं घातलं नसता डोरलं
मरण येऊन दारा पुढं का आज हे उरलं