കവിത:എന്റെ മണിവീണ.രചന:ബിനുR

എൻ മണിവീണയിൽ 

ചിലമ്പുന്ന നാദം,

എൻ കിനാക്കളുടെ

പൊട്ടിച്ചിരികളായിരുന്നു.... !

എൻ ജീവിത തോണി,

ആഴങ്ങളിൽ

മുങ്ങാംകുഴിയിട്ടപ്പോൾ

കേട്ട ശബ്ദം, അതിൻ കേളീരവങ്ങളായിരുന്നു.... !

എൻ പാടിപ്പതിഞ്ഞ പാട്ടിൽ 

ഗദ്ഗദത്തിൻ തേങ്ങലുകൾ

എൻ നനഞ്ഞ ചിരിതൻ സന്തോഷ

ശ്രുതികളായിരുന്നു... 

ഇനിയും കരയേറിടാ-

നാവില്ലല്ലോയെന്ന

കണ്ണുനീരിൻ നിറം ചോർന്ന

പൂത്തിരികളായിരുന്നു...!