ವಿಷಮಪಥ

ಯಾರಿಗೆ ಯಾರಿಲ್ಲ ಈ ಜಗದೊಳಗೆ

ನಾನು ನಂದು ಎನಿದೆ ಇಲ್ಲಿ..

ನೋವಿಗೆ ರಮಿಸೋ ಕೈಗಳು ಎಲ್ಲಿ.?

ಏನೂ ಇಲ್ಲ ದೇವರೆ ಬಲ್ಲ..!

ಹಸಿದಾ ಹೊಟ್ಟೆಗೆ ಕನಸಲ್ಲಾದರೂ

ಸಿಗಲಿ ತುತ್ತಿನ ಆಸರೆ..

ಕಾಣದಾ ದೇವನೆ ಕರುಣಿಸು ಒಮ್ಮೆ

ದಕ್ಕದೆ ನಿನ್ನಯ ಅಕ್ಕರೆ..!

ಕುಹಕಿ ವಂಚಕ ದಾನವರಿಹರು

ಬಾಳ ಪಥದಿ ಪೀಡಿಪರು..

ನೇಹದಿ ಬಂದು ಬದುಕಿಗೆ ಇರಿದು

ತಾಳ್ಮೆ ಕದಡಿ ಕೊಂದಿಹರು..!

ಬೀಸಿದೆ ವಿಷದಾ ಗಾಳಿಯು ಎಲ್ಲೆಡೆ

ಮನದ ಹೆಣವು ಕಾಣದೆ..

ಕೇಳದೆ ತೃಷೆಯ ಕಾಯದ ಕೂಗದು

ಯಾನದ ವೇಳೆ ಮುಗಿಯದೆ.?