ಸ್ನೇಹ
ಸ್ನೇಹ
ತದೇಕಚಿತ್ತದಿಂದ ನೋಡು ಬಾ
ನಾನೊಂದು ಗುಟ್ಟಲ್ಲ
ನಾನು
ಅರಿತರೆ ಮಾತ್ರ ತಿಳಿಯುವ ನೆಲೆಗಟ್ಟು
ದೂರದಿ ಕಾಣುವ ಚಂದಿರ
ಬೆಳಕಲಿ ಕಾಣದು ಅವನ ಹಂದರ
ಮೆಚ್ಚದು ಸುಮ್ಮನೆ ಯಾರನು
ಮನಸು
ಅರಿತು ಬಂದ ಸ್ನೇಹದಲಿ
ಕಾಣದಿರುವುದೆ ಮುನಿಸು
ಕಣ್ಣೆದುರಿದ್ದರು ಕವಲುದಾರಿ
ಸ್ಮೃತಿಪಟಲ ಮರೆಯದು
ನಡೆದು ಬಂದ ದಾರಿ
ಸ್ನೇಹಕ್ಕಿಲ್ಲ ಕಟ್ಟುಪಾಡುಗಳ ಹಂಗು
ಕಲ್ಮಷವಿಲ್ಲದ ಮನದಲಿ ಮಾತ್ರ
ಮೂಡುವುದು ಪರಿಪಕ್ವ ಸ್ನೇಹ
ಪರಿಶುದ್ಧ ಮನದಲಿ ಕಾಡದು
ಅಪಕ್ವ ಭಾವ
ನಮ್ಮಂತರಾಳವ ನಾವರಿತಿದ್ದರೆ ಸಾಕು
ನಗುತ ನಗಿಸುತ ಬಾಳಲು
ಇನ್ನೇನು ಬೇಕು
ನಿಜವಾಗಿಯೂ ನಾ
ಗುಟ್ಟಲ್ಲ
ಅರಿತವರಿಗೆ ಮಾತ್ರ ತಿಳಿಯುವ
ನೆಲೆಗಟ್ಟು