ಪ್ರಥಮ ಪ್ರೇಮ

ಯಾವುದೋ ಲೋಕದಿಂದ ನನ್ನ ಭೂಲೋಕಕ್ಕೆ ಕರೆದಂತೆ ಭಾಸವಾಯಿತು...

ಅವಳ ಮುಖದ ನಿರ್ಮಲ ನಗೆ...

ಭವಿಷ್ಯದ ಸಕಲ ಸಂತಸಗಳ ನೀಡುವಂತೆ ತೋರಿತು

ಅವಳ ಆ ಮೊದಲ ನೋಟ ನನ್ನನ್ನೇ ನನಗೆ ಪರಿಚಯಿಸಿತು...|೧|

ಅವಳೇ ಪರಿಚಯಿಸಿದಳು ಈ ಜಗವನ್ನು.....

ಅವಳೇ ಪರಿಚಯಿಸಿದಳು ಜಗದ ಜನರನ್ನು...

ಅವರೊಂದಿಗಿನ ನನ್ನ ಬಂಧ - ಬೆಸುಗೆಯನ್ನು

ಕುಸಿದಾಗ ಕೈ ನೀಡಿ.....ಗೆದ್ದಾಗ ಬೆನ್ನು ತಟ್ಟಿ....

ನನ್ನ ಒಳಿತಿಗಾಗಿ ಜೀವವನ್ನೇ ತೇದಳು ನನ್ನವಳು.....|೨|

ಪ್ರಥಮ ಪ್ರೇಮದ ಮೂಲ ಹುಡುಕಲು...

ನಾನು ಮೊದಲ ಬಾರಿ ಕಣ್ಣು ತೆರೆದ ದಿನವೇ ನೆನಪಾಯಿತು......

ನನ್ನ ಮುಗ್ದ ಕಂಗಳು ಪಾವನವಾಯಿತು

ಅವಳ ನೋಟದೊಂದಿಗೆ ಬೆರೆಯಲು

ಅವಳ ಪ್ರೀತಿ ಹಾರೈಕೆಯೆದುರು

ಜಗದ ನೋವೆಲ್ಲಾ ಕಾಲಾಡಿಗೆ ಬೀಳಲಿದೆ ..|೩|

ಅವಳ ಕಾಲಿನ ಪಾದವೇ ಎನಗೆ ಸ್ವರ್ಗ

ಅವಳ ಮಡಿಲೆ ಎನಗೆ ದೇವಾಲಯ

ಅವಳ ಕರುಣೆ - ಪ್ರೀತಿಯೇ ನನ್ನ ಭಕ್ತಿ

ಅಮ್ಮಾ....

  ನಿನ್ನ ಆಶೀರ್ವಾದವೇ ಇರಲು ಇನ್ನೇನು ಬೇಕೆನಗೆ.....|೪|