ನಗುತ ನಗಿಸಿ ಮುದ ನೀಡಬಾರದೇ ಸಖಿ
ನಗುತ ನಗಿಸಿ ಮುದ ನೀಡಬಾರದೇ ಸಖಿ
1 min
204
ನಗುತ ನಗಿಸಿ ಮುದ ನೀಡಬಾರದೇ ಸಖಿ
ಮನದ ದುಗುಡವ ದೂರಾಗಿಸು ಚಂದ್ರಮುಖಿ ||ಪ||
ಮನದಲಿ ತುಂಬಿ ಕಾರ್ಮೋಡವ
ಎದೆಯಲಿ ಹುದುಗಿಸಿ ದುಗುಡವ
ಮುನಿದು ನೀ ದೂರಾದರೆ ಗೆಳತಿ
ಹೃದಯ ವೀಣೆ ನುಡಿವುದೇ ಪ್ರೇಮಗೀತೆ ||೧||
ಕನವರಿಸಿ ಕಾದಿಹೆನು ಹೊಸಬಾಳ ಹೊಸಿಲಲಿ
ನಿನ್ನೊಲವನರಸಿ ಹೊಂಬಣ್ಣದ ಹಾಸಿನಲಿ
ಅಧರಾಮೃತ ಹರಿಸಿ ವಿರಹಾಗ್ನಿಯನು ತಣಿಸು
ಬರಿದಾದ ಬಾಳಿಗೆ ಅನುರಾಗದ ಹೊನಲು ಹರಿಸು ||೨||
ನಗುವುದೇ ಪುಷ್ಪವದು ಮುಡಿಯನೇರದೆ
ತೊರೆವುದೇ ವಸಂತವ ಕೋಗಿಲೆಯದು ಹಾಡದೆ
ಸುಖಿಸುವುದೇ ಗಿರಿನವಿಲು ತಾ ನಲಿದು ನರ್ತಿಸದೇ
ಅರಳುವುದೇ ಎನ್ನೀ ಹೃತ್ಕಮಲ ಮುನಿಸ ನೀ ತೊರೆಯದೇ ||೩||