ಬಣ್ಣನೆ

ಮುಸ್ಸಂಜೆ ಹೊತ್ತಲ್ಲಿ ಶಶಿಯ ಆಗಮನ

ನಡುರಾತ್ರಿಯಲಿ ಚುಕ್ಕಿ ತಾರೆಗಳೇ ಆಭರಣ

ನನ್ನೀ ಹೃದಯದಲಿ ಸ್ನೇಹದ ಸಮ್ಮಿಲನ

ಅರಿವಿಲ್ಲ ಯಾಕಾಗಿದೆ ಈ ಅನುಭವ

ಏತಕೆ ನನ್ನೀ ಮನದಲಿ ಕಲರವ

ನೋಡು ಬಾ ನನ್ನ ಕಲ್ಪನೆಯ

ಕೇಳು ಬಾ ಈ ನನ್ನ ಬಣ್ಣನೆಯ!!

ನೀಲ ಗಗನದಲಿ ನೀ ನಡೆದಾಡುವ ಹಾಗೆ

ಮಳೆ ಹನಿಯ ಮುತ್ತುಗಳಾಗಿ ಬಿದ್ದ ಹಾಗೆ

ಯಾಕೋ ಏನೋ ಮನವು ನಗುತಿದೆ

ಕಾರಣವೇನಿಹುದು ತಿಳಿದಿಲ್ಲ ಎನಗೆ

ಏನಾಗಿದೆ ಯಾಕಾಗಿದೆ ತಿಳಿದಿಲ್ಲ ನನಗೆ

ನೋಡು ಬಾ ನನ್ನ ಕಲ್ಪನೆಯ

ಕೇಳು ಬಾ ಈ ನನ್ನ ಬಣ್ಣನೆಯ!!

ನಗುವ ಸುಮವ ಮರೆತಿರುವೆ

ನಲಿವ ಸುಮದಲಿ ನಿನ್ನ ನಾ ಕಾಣುವೆ

ಏಕೆಂದರೆ ನೀ ನನ್ನವಳೇ

ಹರಿಸುವೆ ಪ್ರೀತಿಯ ಕಡಲಾಗಿ

ನೋಡು ಬಾ ನನ್ನ ಕಲ್ಪನೆಯ

ಕೇಳು ಬಾ ಈ ನನ್ನ ಬಣ್ಣನೆಯ!!

✍️ ಪುಷ್ಪ ಪ್ರಸಾದ್‍