भोजपुरी छठ गीत -बरतिया ये छठी
भोजपुरी छठ गीत -बरतिया ये छठी
नहाय खाए करब तोर बरतीया ये छठी मईया
बरत उपवास करी गाइब तोर भजनिया ये छठी मईया
हम नाही जानी माई पूजा पाठ नाहीं हम बरतीया
नाहीं हम जानी केवनों अरतिया में छठी मईया
केरा नारीयल पंच फुलवा कहाँ हम मंगाई ये माई
कहवाँ मंगाइ उख डहंगिया ये छठी मईया
सोनवा के रथवा चढ़ी उगले न सूरजमल
केकरा हम चढ़ाई अब अरघिया ये छठी मईया
गईया के गोबरा से दुअरा लिपाई गोबरों ना मिले
केवन गेहुंआ ठेकुवा सजाई परतिया ये छठी मईया
सबके त दिहलु माई अन्न धन सोना भवनवा
सदा सुहागन करा सुखी मोर धरतीया ये छेठी मईया
अँचरा पसारी माई करी तोर विनितिया
‘दीनानाथ दुर करे मोर विपतिया ये छठी मईया
कोढ़ियन के काया दिहलू निर्धन के माया
अंधन के आँख ,बांझन पुत्र सुरतिया ये छठी माई
किरीपा करिहा जईसे हमपे देशवो उबरिहा
देश दूश्मनवा भगईहा पाकिस्तनिया ये छठी मईया।