Best summer trip for children is with a good book! Click & use coupon code SUMM100 for Rs.100 off on StoryMirror children books.
Best summer trip for children is with a good book! Click & use coupon code SUMM100 for Rs.100 off on StoryMirror children books.

Jyotindra Mehta

Drama Thriller


4  

Jyotindra Mehta

Drama Thriller


રાવણોહ્મ ભાગ ૫

રાવણોહ્મ ભાગ ૫

4 mins 455 4 mins 455

સોમ ને પોતાની બદનામીની ચિંતા ન હતી. તેને કામ મળતું બંધ થઇ જશે અને તે ગુમનામીની ગર્તામાં જતો રહેશે તેની પણ પરવા ન હતી. પણ તે પોતે પોતાની કે પાયલની નજરમાંથી ઉતારવા માંગતો ન હતો તેથી તે નિલીમાને મળવા માંગતો હતો સત્ય જાણવા. તેને ઇંતેજાર હતો અમાસનો. કાશ તેણે ધ્યાન આપ્યું હોત પોતાની આસપાસ થનારી ઘટનાઓનું તો તેણે ષડયંત્ર ની ગંધ આવી ગઈ હોત.


       પાયલ અને શુક્લા પાયલની કેબિનમાં બેઠા હતા. પાયલે શુક્લા તરફ જોઈને કહ્યું આ તારો કુલકર્ણી થોડો ઢીલો લાગે છે. શુક્લાએ કહ્યું તે ઢીલો નહિ પણ ધીટ છે તેણે હજુ વધારે પૈસાની ડિમાન્ડ કરી છે કેસ ને આગળ ચલાવવા. એટલામાં પાયલના મોબાઈલમાં રિંગ વાગી. પાયલે સ્ક્રીન પર કૉલરનું નામ જોયું એટલે તેની આંખો ચમકી. કૉલર નું નામ હતું પ્રદ્યુમ્ન સિંહ. પાયલે કૉલ કટ કર્યો અને શુક્લાને કહ્યું કેટલા પૈસા જોઈએ છે તે કહી દેજે કેશિયર ને પણ ધ્યાન રાખજે કે તેમાં તું કટકી કરવા ન જતો, તને અલગથી જોઈતા હોય તો મને કહી દેજે અને કુલકર્ણી ને કહી દેજે કે મને સોનાના ઈંડા આપતી મરઘી ન સમજે ઠીક છે ? પાયલના ઠીક છે કહેવામાં કરડાકી હતી તે સાંભળીને શુક્લા ધ્રુજી ઉઠ્યો. તેણે કહ્યું આપ ચિંતા ન કરો હું તેની સાથે વાત કરી લઈશ અને હું બેઈમાનીનું કામ પણ ઈમાનદારથી કરું છું. પાયલે શુક્લા તરફ જોયું એટલે શુક્લા ચુપચાપ ઉભો થઈને ત્યાંથી નીકળી ગયો.


     પાયલે પ્રદ્યુમ્નસિંહના નંબર પર કૉલ જોડ્યો, તેને આશા હતી કે પ્રદ્યુમનસિંહ નો થોડો ધ્રૂજતો અવાજ સંભળાશે પણ તેને બદલે ઘૂંટાયેલો અવાજ સંભળાયો તેણે કહ્યું હું પ્રદ્યુમ્નસિંહજીનો પૌત્ર સુશાંત બોલું છું. દાદાજીના ફોન થી આપને એટલા માટે કૉલ લગાવ્યો કે આપને વિશ્વાસ થાય કે હું આપણી તરફ છું. મારો નવો નંબર આ નંબરથી મેસેજ કરું છું અને હવે દાદાજીનું કોઈ કામ હોય તો મને કૉલ કરજો. પાયલે પૂછ્યું પ્રદ્યુમ્નસિંહજી ક્યાં છે ? સુશાંતે કહ્યું તે અહીં ઘરેજ છે પણ તેમની તબિયત હમણાંથી ખરાબ રહે છે ઉપરાંત તેમને અલ્ઝાઇમર ની બીમારી લાગુ પડી છે. ઘણી વખત તો તે પણ મને ઓળખવાનો ઇન્કાર કરે છે. પાયલે કહ્યું ઠીક છે. સુશાંતે કહ્યું દાદાજીએ એક કામ સોંપ્યું હતું તમને તે ક્યાં સુધી આવ્યું ?  પાયલે કહ્યું તેના પર અમલ થઇ રહ્યો છે પણ કામ મારી ધારણા કરતા ધીમું ચાલી રહ્યું છે. પાયલે કહ્યું હું આપણે એકવાર મળવા માંગતી હતી. સુશાંતે કહ્યું ઠીક છે સાંજે ફિનિક્સ મોલમાં મળીયે. પાયલે ઓકે કહીને ફોન કટ કર્યો.


           અમાસ નો દિવસ સોમે હંમેશાની જેમ બેચેનીમાં વિતાવ્યો અને રાત્રે ૧૧ વાગે તે પોતાની ગાડી લઈને નીકળ્યો અને મુંબઈની બહાર એક અવાવરું સ્મશાન હતું તેમાં ગયો. એક ઝાડ નીચે આસાન જમાવ્યું. પોતાની સાથે જે સામાન લાવ્યો હતો તે બાજુમાં મુક્યો. બે કુંડાળા દોર્યા એકમાં પોતે બેઠો અને બીજા કુંડાળામાં કે ભૌમિતિક આકૃતિ દોરી અને તેના દરેક ખાનામાં લીંબુ મૂક્યું અને એક ખાનામાં નીલિમાની હેર પિન મૂકી. પછી તે ધીમે ધીમે મંત્રો બોલવા લાગ્યો પછી તેણે પોતાની આંખો બંધ કરી એટલે તેને સ્પષ્ટ ચિત્ર દેખાવા લાગ્યું. તેને જંગલ દેખાયું અને ધીરે ધીરે દ્રશ્ય આગળ વધવા લાગ્યું તે તે સ્થળ ના ઓળખ ચિન્હો જોઈ રહ્યો હતો. આગળ જતા તેને એક મોટો વડ દેખાયો અને તેની નજીક એક ઝૂંપડી દેખાઈ. હવે દ્રશ્ય થોડું ધૂંધળું થવા લાગ્યું હતું. તેણે અંદર જઈને જોયું એક યુવતી ટૂંટિયું વાળીને પડેલી હતી. તે તેને ઓળખી ગયો તે નીલિમા હતી. તેની અવસ્થા દયનીય હતી. તેના ચેહરા પર નિશાન પડી ગયા હતા. તેના કપડાં ફાટેલા હતા. તે રડી રહી હતી. તે ત્યાં આવ્યો હોય તેમ જાણે નિલીમાને ખબર પડી ગઈ હોય તેમ નિલીમાએ પોતાના હાથ ફેલાવ્યા અને કહ્યું મને બચાવો રૃદ્રાએ મારી હાલત ખરાબ કરી દીધી છે. તેણે મણિ અહીં ઘણા સમયથી કેદ કરી રાખી છે. પ્લીઝ મને બચાવો હું તમારી રાહ જોઈ રહી છું. સોમની આંખ ખુલી ગઈ. તેની છાતી ધમણની જેમ ફૂલી રહી હતી. પહેલા તેણે પોતાના શ્વાસોશ્વાસ પર કાબુ મેળવ્યો અને પછી વિચારવા લાગ્યો કે કે નીલિમા સહ્યાદ્રીનાં જંગલોમાં કેવી રીતે પહોંચી ગઈ. તે પહેલા આ સ્થળે જઈ આવ્યો હતો અને તે વડ પણ જોયો હતો. પણ દ્રશ્ય ધૂંધળું થઇ ગયું હતું એટલે હવે ત્યાં કોઈ અજ્ઞાત શક્તિનો વાસ હોવો જોઈએ. શું નીલિમા ખરેખર ત્યાં છે કે પછી કોઈ મને ફસાવવા માંગે છે પણ તે વાત ની તસ્દીક કો ત્યાં જઈનેજ કરી શકાશે. મારે કાલેજ નીકળવું જોઈએ ત્યાં જવા એક નિર્ધાર કરીને સોમ પોતાની જગ્યાએથી ઉઠ્યો.   


Rate this content
Log in

More gujarati story from Jyotindra Mehta

Similar gujarati story from Drama