STORYMIRROR

Ishita Raithatha

Drama Romance

3  

Ishita Raithatha

Drama Romance

"પ્રેમની યાદોનાં ખાબોચિયાં" ૬૯

"પ્રેમની યાદોનાં ખાબોચિયાં" ૬૯

5 mins
126


   અહીં લખેલ વાર્તામાં બધા પાત્રો કાલ્પનિક છે, બધી વાતો પણ કાલ્પનિક છે. આ વાર્તાનો કોઈના પણ ભૂતકાળ કે ભવિષ્યકાળ કે પછી વર્તમાનકાળ સાથે કોઈપણ રીતે સંબંધ નથી. આ વાર્તામાં બધો સમય કાલ્પનિક છે, બધી જગા પણ કાલ્પનિક છે. આ એક કાલ્પનિક ધારાવાહિક વાર્તા છે.

    તો વાચક મિત્રો આગળ જોઈએ કે શું અર્જુન અને એકતા ની આ ખુશી કાયમ રહેશે? કે પછી અર્જુન અને એકતા ના હનીમૂન માં કંઈ અણધારી આફત આવશે? શું અર્જુન અને એકતા હંમેશા એકબીજાને આવિરિતે જ પ્રેમ કરશે કે બંનેના લગ્ન જીવનમાં તકલીફ આવશે? શું પૂજાને ચકર આવ્યા તો કંઈ ગંભીર બીમારી ની શરૂવાત હશે?આવા અનેક પ્રશ્નોના જવાબ જાણવા અને અનેક ટ્વીસ્ટ જાણવા માટે વાંચતા રહો મારી ધારાવાહિક અને તમારા કિંમતી અને અમૂલ્ય પ્રતિભાવ જરૂરથી આપજો.


           અત્યાર સુધીની વાર્તા


   એકતાને પણ અર્જુનનો શાપૅ જોલાઈન વાળો ચહેરો, અર્જુન ના પરફ્યુમ ની સ્મેલ, અર્જુનનું જીમ કરીને સીક્સ પેક એપ બનાવેલું બોડી, એકતાને અર્જુન ને પોતાને સોંપી દેવા માટે મજબૂર કરતું હતું. અર્જુન પોતાનું ટી શર્ટ કાઢીને એકતાની ઉપર છવાઈ ગયો હતો અને એકતા પણ અર્જુનના રંગમાં રંગાઈ ગઈ હતી. આજે અર્જુન અને એકતા બંને એક થઈ ગયા હતા, બંને એકબીજાને મન ભરીને પ્રેમ કરતાં હતાં. અર્જુન અને એકતા બંને ખૂબ ખુશ હતાં.


           હવે આગળની વાર્તા

              ભાગ - ૬૯


         આરતી કરણ અને પૂજા બધા સચિનને શોધતા હતાં, પરંતુ સચિન ની ક્યાંયથી ખબર મળતી નહોતી. આરતી ખૂબ નિરાશ હતી, કરણ અને પૂજા બંને આરતીને રોજ આશ્વાશન આપતા હતાં, છતાં પણ આરતી ખુશ નહોતી થતી. આમ પંદર દિવસ થઈ ગયા હતાં, અર્જુન અને એકતા પણ આજે ઘરે આવવાના હતાં બધા ખુશ હતાં પરંતુ આરતી રૂમમાંથી બહાર જ નહોતી આવતી. 

       અર્જુન અને એકતા આવ્યા ત્યારે માયા બહેન એ એ લોકોનું સ્વાગત કર્યું અને પછી એકતા અને અર્જુન બધાને મળ્યા ત્યારે બંને જયા બહેન નાં આશીર્વાદ લેવા ગયા ત્યારે એકતા ડરતી હતી કે કદાચ દાદીમાં ખુશ નહીં હોય, પરંતુ પૂજા અને માયા બહેન એ દાદીમાં ને મનાવી લીધા હતાં માટે જયા બહેન એ પણ ખુશી ખુશી બંનેને આશીર્વાદ આપ્યા. પછી જ્યારે અર્જુન અને એકતા પૂજા પાસે આવ્યા ત્યારે અર્જુન અને એકતા પૂજાના આશીર્વાદ લેવા ગયા એટલે પૂજાએ તરત બંનેને ગળે લગાવી લીધાં.

       માયા બહેન આ બધું જોઇને ખુશ થાય છે. બધા ત્યાંજ હતાં, અર્જુન અને એકતા થાક્યા હતાં માટે રૂમમાં જતાં હતાં ત્યારે અચાનક પૂજા ને ચક્કર આવી જાય છે અને ત્યાં હોલમાં નીચે પડી જાય છે. બધા ચિંતામાં આવી જાય છે, અર્જુન તરત દોડીને પૂજાને તેડીને ત્યાં સોફા પર સુવડાવીને ચેક કરે છે.

જયા બહેન:"બેટા એકતા જલ્દી પાણી લઈ આવ."

એકતા:"હા, દાદીમાં લઈ આવું."

        એકતા પાણી લેવા જાય છે ત્યારે બધા ટેન્શન માં હતા અને જ્યારે એકતા પાણી લઈને આવે છે ત્યારે પૂજા ભાન માં આવી ગઈ હતી અને પૂજાને કરણ પાસે ઓફિસે જવું હતું માટે માયા બહેન એ અર્જુન અને એકતાને સાથે જવા કહ્યું, અને રસ્તામાં પહેલાં પૂજાના રિપોર્ટ કરાવવા કહ્યું કારણકે થોડા દિવસ પહેલાં પણ પૂજાને ચક્કર આવી ગયા હતા. અર્જુન અને એકતા ખૂબ થાકેલાં હતાં છતાંપણ પૂજા સાથે ગયા.

        અર્જુન પહેલાં તો પૂજાને લઈને હોસ્પિટલ ગયો ત્યાં પૂજાના રિપોર્ટ કર્યા અને રિપોર્ટ લઈને પછી પૂજાને અને એકતાને લઈને કરણ પાસે ઓફિસે ગયો. ઘણા સમય પછી એકતાને ઓફિસમાં જોઈને બધા ખુશ હતા અને બધાં એકતા અને અર્જુનને લગ્

નની બધાઈ આપતાં હતાં ત્યારે પૂજા એ કરણ ના આસિસ્ટન્ટ ને પૂછીને કરણ જ્યાં હતો ત્યાં જતી રહી. કરણ ની મીટીંગ ચાલતી હતી છતાં પણ પૂજા અંદર જતી રહી.

       કરણ એના ફોરેન ક્લાઈન્ટ સાથે જરૂરી ચર્ચા કરતો હતો ત્યારે પૂજા અચાનક પાછળથી આવીને કરણ ને ગાલ પર કિસ કરી અને હગ કરીને કરણ ના ખોળામાં બેસી ગઈ. પૂજાનું આવું વર્તન જોઈને કરણ ખૂબ ગુસ્સે થઈ ગયો અને અચકથી પૂજાને પોતાનાથી દૂર કરીને ગુસ્સો કરવા લાગ્યો.

કરણ:"આ શું રીત છે પૂજા? આ મારી ઓફિસ છે, આપડો રૂમ નથી."

પૂજા:"મને ખબર છે પણ,"

કરણ:(પૂજાને શોલ્ડર થી પકડીને પૂછે છે)"પણ શું?, જે પણ કંઈ હોય, હું ઘરે આવું ત્યાં સુધી રાહ જોઈ નથી શકાતી?"

પૂજા:"અરે વાત જ એવી છે કે હું મને રોકી ના શકી."

     કરણ અને પુજાની વાતથી ત્યાં મિટિંગ માં આવેલા ક્લાઈન્ટ અંદર અંદર વાતો કરવા લાગે છે અને ધીરે ધીરે હસે છે. જે જોઈને કરણ નો ગુસ્સો ખૂબ વધી જાય છે અને કરણ ખિજાઈને પૂજાને ત્યાંથી કરણ ની ઓફીસ માં જવા કહે છે. પૂજા પણ નિરાશ થઈને ત્યાંથી જતી રહે છે અને કરણ પોતાને નોર્મલ કરીને મિટિંગ પૂરી કરે છે, અને પોતાની ઓફિસ માં જાય છે ત્યારે ત્યાં પૂજા તો નથી હોતી પરંતુ અર્જુન અને એકતા હોય છે.

કરણ:"અરે અર્જુન, એકતા તમે લોકો આવી ગયા!"

અર્જુન:(દોડીને કરણ ને ગળે મળે છે.)"હા ભાઈ."

કરણ:(અર્જુનને પોતાનાથી દૂર કરે છે અને કહે છે)"આ શું કરે છે! તને ખબર છે ને મને,"

અર્જુન:"હવે કંઈ નહીં થાય, પૂજા ભાભી એ કહ્યું કે હવે તમને કોઈના થી કોઈ તકલીફ નથી."

કરણ:"પૂજાએ બીજું શું કીધું?"

અર્જુન:"અમને તો બીજું કંઈ નથી કીધું પણ તમને કીધું કે નઈ? ક્યાં છે ભાભી?"

કરણ:"પૂજા અહીં નથી?"

એકતા:"પૂજા તો તને મળવા આવી હતીને, તારી સાથે હોવી જોઈએ ને."

કરણ:"હા, પૂજા આવી હતી પરંતુ મારી મિટિંગ હતી માટે મેં પૂજાને ઓફિસમાં બેસવા કહ્યું હતું."

અર્જુન:"તો તમારે ભાભી સાથે કંઈ વાત થઈ કે નહીં?"

કરણ:"વાત કરવા જ અહીં આવ્યો છું."

એકતા:"પણ અહીં તો પૂજા નથી આવી."

કરણ:"તો ક્યાં ગઈ પૂજા?"

એકતા:"હું ફોન કરું છું પણ લાગતો નથી."

અર્જુન:"હું ઘરે ફોન કરું કદાચ ભાભી ઘરે જતાં રહ્યાં હશે?"

કરણ:"હું ડ્રાઈવર ને ફોન કરું છું."

ડ્રાઈવર:"હા સર બોલો."

કરણ:"પૂજા મેડમ તારી સાથે છે?"

ડ્રાઈવર:"ના સર, મેડમ તો હમણાં થોડીવાર પહેલાં જ દોડીને રડતાં રડતાં જતાં હતાં, મેં બોલાવ્યા પણ ખરી અને પાછળ પણ ગયો પરંતુ મેડમ એ સાથે આવવાની ના પાડી અને મને પાછું આવા કહ્યું."

કરણ:"શું પૂજા જતી રહી, તો તારે ત્યારે મને કહેવાય ને, અને તે જવા શું કામ દીધી હવે તારી નોકરી તો ગઈ."

ડ્રાઈવર:"સર એવું ના કરો મને મેડમે ના પાડી હતી."(ડ્રાઈવર કંઈ કહે તે પહેલાં જ કરણે ફોન કટ કરી દિધો.)

અર્જુન:"ભાભી તો ઘરે પણ નથી પહોંચ્યા."

એકતા:"આપડે જલ્દી જઈએ ક્યાંક પૂજાને પાછા ચક્કર આવી જશે તો અને અર્જુન પૂજાના બીજા રિપોર્ટ આવી ગયા?"

કરણ:"શું ચક્કર? પૂજાને ચક્કર આવતાં હતાં? રિપોર્ટ!"

અર્જુન:"હા ભાઈ તમે ચાલો હું તમને રસ્તામાં બધી વાત કરું."

        કરણ, અર્જુન અને એકતા તરત ઑફિસેથી નીકળે છે, કરણ ના મનમાં તો ઘણા વિચાર આવતાં હતાં અને પોતાના પર ગુસ્સો આવતો હતો કે કાશ ત્યારે પૂજાની વાત સાંભળી લીધી હોત તો પછી પૂજા આવિરિતે નિરાશ થઈને જતી ન રહેત.


       તો વાચક મિત્રો શું લાગે છે, પૂજાને શું થયું હશે? પૂજા ક્યાં જતી રહી હશે? શું કરણ પુજાને શોધી લેશે? શું પૂજા કરણ ને મળશે તો નોર્મલ વાત કરશે કે નિરાશ જ રહેશે? આવા અનેક પ્રશ્નોના જવાબ જાણવા અને અનેક ટ્વીસ્ટ જાણવા માટે વાંચતા રહો મારી ધારાવાહિક અને તમારા કિંમતી અને અમૂલ્ય પ્રતિભાવ જરૂરથી આપજો.

ક્રમશ:....

-ઈશિતા રાયઠઠ્ઠા.



Rate this content
Log in

Similar gujarati story from Drama