યૌવનનો નશો
યૌવનનો નશો
નશો ચડ્યો છે, તારા યૌવનનો,
મુજને નશામાં તું રહેવા દે,
નજરના જામ છલકાવ્યા છે મુજ પર,
ધીરે ધીરે ઘૂંટ પીવા દે,
તન મનમાં નશો ફેલાયો છે સનમ,
મદહોશ બની મુજને ઝૂમવા દે,
મયખાનું બનીને તું આવી છો,
મહેફિલમાં મને ડૂબવા દે,
રૂપની મહેક છે તારી અદ્ભૂત,
રૂપની મહેકને માણવા દે,
પ્યાસ લાગી છે તારા યૌવનની,
યૌવનની પ્યાસ બુઝવવા દે,
ન જાતી હવે તું મુજને છોડીને,
તારી બાહોંમાં મુજને રહેવા દે
દિલમાં ઇશ્કની આગ છે "મુરલી",
ઇશ્કની આગ મિટાવવા દે.