વરસાદ અને એની યાદ..

વરસાદ અને એની યાદ સાથે

ગાઢ સંબંધ છે મારે,

વરસાદ આવે અને એની યાદ આવે

એ તો છેજ જાણે,

પણ એની યાદ આવે ને આંખોમાંથી પણ,

વરસાદ આવી જાય,

સાથે નથી એ મારા, પણ આ વરસાદ

એની યાદોને મારા સુધી તાણી લાવે છે !

વિજળીના ચમકારા સાથે

એની યાદ દિલમાં ઉતરે છે,

અને પછી ત્યાં

કડાકા ભડાકા થાય છે !

ઝાડના પાદડા પરથી

ટપટપ કરતાં વરસાદના ટીપાં

યાદ અપાવે છે એના,

પાયલના ઝણકારની !

વહેતા ઝરણાના વહેણમાં,

હું પણ તણાઈ જાવ છું, એની યાદોમાં,

વરસાદમાં પલળ્યાં વગર જ,

ભિંજાય જાવ છું એની યાદોથી !