તું ચાલ્યા કર

સરકી રહ્યો છે સમય હાથથી તું ચાલ્યા કર,

ઋતુ કોઈપણ હોય સૂરજ-ચાંદની જેમ તું ચાલ્યા કર.

કોઈપણ પરિસ્થિતિમાં પહોંચવાનું છે મંજિલે તું ચાલ્યા કર,

એક-એક ક્ષણનો ઉપયોગ કરીને તું ચાલ્યા કર.

હિંમત અને વિશ્વાસનો ઊંડો શ્વાસ ભરી તું ચાલ્યા કર,

રડતાને હસાવી અને જરૂરિયાતમંદને સાથ આપી તું ચાલ્યા કર.

તારા એક-એક ડગલાને સમાજ માટે ઉપયોગી બનાવી તું ચાલ્યા કર,

છે કુદરત કોઈને કોઈ સ્વરૂપે સાથે તારા તું ચાલ્યા કર.