તારી મમ્મી વઢે નહીં ?
તારી મમ્મી વઢે નહીં ?
1 min
13.4K
તું રોજ ગલોટિયા ખાય
મસમોટા આભમાં
પૂર્વથી.. પશ્ચિમ.
તે.. તારી મમ્મી વઢે નહીં???
ને, જો
હું ખાઉં ગલોટિયા
નાના શા પલંગમાં...
તો... ?
જળ જોયું, ને માર્યો ધુબાકો
મસમોટા સાગરમાં...
રોજ... સાંજે.
તે... તારી મમ્મી વઢે નહીં ?
ને, જો
હું કરું છબછબીયા
નાના શા ખાબોચિયામાં,
તો... ?
તું કેટલો ગુસ્સો કરે ?
રાતો- પીળો થાય
બધા ડરે તારાથી.
તે... તારી મમ્મી વઢે નહીં ?
ને, જો...
હું કરું જીદ!
ગુસ્સો કરું ને રડું!
તો... ?