સ્વ દર્પણ

આ જગતમાં અનુકરણની રીતિ,

સહુ કોઈ અમલમાં મૂકે છે,

સમજણ વાપરી સ્વની,

આગળ કયાં કોઈ વધે છે !

આવડે બધું મને એવા,

ફોગટ ભ્રમમાં ફરે છે,

નથી એક સમાન હાથની આંગળીઓ,

એવું ક્યાં કોઈ સમજે છે !

ટેલિવિઝનની રંગીન દુનિયામાં,

કુદરતની સુંદરતા ક્યાં કોઈ નીરખે છે,

પારકી આશ સદા નિરાશ,

મૂલ્ય એવું ક્યાં કોઈ જાણે છે !

દુઃખ પછી સુખનું ચક્ર ફરે,

એવું ક્યાં કોઈ માને છે,

આ જગતમાં સફળ થવું સૌને ગમે,

નિષ્ફળતા ક્યાં કોઈ પચાવે છે !

જોઈએ સૌ કોઈને જીત અહીં,

પરાજય ક્યાં કોઈ સ્વીકારે છે,

નથી આ સૃષ્ટિમાં સમગ્ર મારું, 

એવું ક્યાં કોઈ સત્ય સમજે છે !