સુખ
સુખ
વાત જ કંઈક ખાસ હતી...
દુઃખની પાછળ છૂપાયેલી શી અમીરાત હતી.. ?
જોવાને સુખ, ન તેની પાસે આંખ હતી;
છતાં, રગે રગમાં ભરી ખુશી કંઈક ખાસ હતી !
વસ્ત્ર ને બાહ્યતા થકી ઊભરાતી ગરીબાઈ હતી;
છતાં, જાણે સુખની છલકાતી શી વણઝાર હતી !
આવતા જતા માર્ગની વચ્ચે ઊભી એ દુખીયારી હતી;
વદન પરના સ્મિત થકી, જાણે સુખની અમીરાત હતી,
ચાર ટાયરની ગાડીમાં સવાર હું, મારા આ મનમાં શી ગડમથલ હતી ?
સુખી તે ? કે, સુખી હું ? આ શાની અવઢવ હતી ?
પાછો વળ્યો વળાંકે જઈ, દસની ત્રણેક નોટ જો તેની દીકરી ને આપી;
તેની ખુશીનો કંઈ પાર ન હતો, મારી ખુશી પણ કંઈક અપાર હતી !
મારી ગડમથલનો મળ્યો જવાબ અહીં, ખુશ હતી તેની આત્મસંતોષ થકી;
તો સમસ્યાઓથી ઘેરાયેલ, મારી ખુશી હતી કઈક સહાય કર્યા થકી !
ખરેખર વાત જ કંઈક ખાસ હતી;
શું દુઃખની પાછળ છૂપાયેલી આજ સાચી અમીરાત હતી ?