સરી ગયું
સરી ગયું
લાગે જીવન જાણે હાથમાંથી સરી ગયું,
એક લીલુંછમ પાંદડું વસંતમાં ખરી ગયું !
લખવા બેઠાં વાતો, યાદોને થોડાં સ્મરણ,
દાહ, જખમ અને દરદ ગઝલમાં તરી ગયું !
લાગણીઓમાં શું કરું હકદાવો કે રકઝક ?
રહેવું'તું મોઘમને એ હોંઠે શબ્દો ધરી ગયું.!
પીડા ઘણી સાચવીને જો પટોળું થઈ ગયું,
ચીતરી જુદી ભાતને એ ખાલીપો ભરી ગયું !
જોવાનું શું હતું ? આ હું હતી કે હું ન હતી ?
ઝીલ જાતને શોધવાએ દર્પણમાં ગરી ગયું !