સપનાનો રાજકુમાર
સપનાનો રાજકુમાર
ક્યારે આવી મળશે સપનાનો રાજકુમાર ?
ક્યારે ચાહત ફળશે સપનાનો રાજકુમાર?
વરસોથી સજાવી બેઠી સોણલાં અપાર,
ક્યારે વિયોગ ટળશે સપનાનો રાજકુમાર?
અહર્નિશ હું તો ઝંખતી કરતી એના વિચાર,
ક્યારે એ સળવળશે સપનાનો રાજકુમાર?
પ્રેમદિવાની કરું હું મનમાની એક જ આધાર,
ક્યારે મૂંઝવણ કળશે સપનાનો રાજકુમાર?
ઉર ચાહ પારાવાર, કરું હું સોળે શણગાર,
ક્યારે સૂર એવો ઊગશે સપનાનો રાજકુમાર?