સફર

એક એવો સફર જ્યાં અજાણી મુસાફરી હોય છે,

ખબર નથી ક્યાં જવું હોય છે અને ક્યાં પહોંચી જવાય છે !

નક્કી કરેલ વ્યક્તિ સાથે જીવનની મુસાફરીમાં

માત્ર ક્ષણભારનો બની જાય છે,

ક્યાંક એજ વ્યક્તિ સાથેનો આજીવનસાથ

બંધન બની જાય છે !

કોઈને મળે છે પ્રેમ તો કોઈને નફરત મળી જાય છે,

કોને ખબર છે ક્યારે જીવનની મુસાફરીમાં કોણ મળી જાય છે.

હજારો અજાણ્યા લોકો સાથે અચાનક મુલાકાત થઈ જાય છે,

 ક્યાંક જાણીતી વ્યક્તિ જ અજાણી બની જાય છે ! 

ક્યાંક હજારો અજાણ્યા દરવાજા ખુલી જાય છે.

ક્યાંક જાણીતા સરનામા પણ અજાણ્યા બની જાય છે ! 

આતો અજાણ્યો સફર જિંદગીનો

કોને ખબર કોણ મળી જાય અને કોણ દૂર થઈ જાય છે !