સંતાનો

વરસોથી

ચાલી આવતી 

પરંપરાઓ,

નીતિ નિયમો,

અને સંસ્કારોનું સિંચન,

આપોઆપ થતું રહે છે,

પેઢી દર પેઢી.

તેમાં કળીરૂપ,

બનતા હોય છે સંતાનો.

કૂવામાં હોય તો

હવાડે આવે.

વડ તેવા ટેટા,

બાપ તેવા બેટા.

તેવી જ રીતે,

ચીલો ચલાવે,

આગળ ધપાવે.

એમાં મુખ્ય ભાગ

ભજવતા હોય છે સંતાનો.

માબાપના સાચા

વારસદાર છે સંતાનો.

મિલકત જ નહીં 

સ્વભાવ ને સંસ્કારમાં પણ.

એને આગળ ધપાવે

કુટુંબનું નામ અજવાળે,

વડીલો ગર્વ અનુભવે,

શોભા ને યશ વધારે.

કામ એવું તો 

કરતા હોય છે સંતાનો.