સમય છોડશે નહીં🌳

ગાલગાગા ગાલગાગા ગાલગાગા

કોણ ખોદી રાખતું કોને ખબર,

પણ સમયની કોઇ ના ખોદે કબર.

આ સમય ના કોઇ ને પણ છોડશે,

કોઇ સંતાશે ભલે પાતાળપર.

જે ગયેલો છે સમય ના આવતો,

છે બધાને એટલી પાકી ખબર.

વ્હાલ કરતાં જે સમયને શીખશે,.

તો સદા એની જ હરખાશે નજર.

જિંદગીનું સુખ મળ્યું છે એમને

સાચવ્યો જેણે સમયને વ્હાલભર.

જેમને છોડી સમય ચાલ્યો ગયો,

એ બધાં ગ્યા સોળનાએ ભાવપર.

કાળમાં ડૂબી ગયા કૈ રાજિયા,.

ચાલતાં અટકી જતી સૌની સફર.