સ્મિત
સ્મિત
તારા ચહેરા પર સ્મિત હંમેશા ફરકતું રહે.
એને જોઇ મુખ મારું કાયમ હરખતું રહે.
દુનિયાની હર ખુશી મળે તુજને પ્રિયે છે દુઆ.
સમયનું ચક્ર સતત આનંદે બસ સરકતું રહે.
તુજ જીવનમાં કદી ન આવે પાનખર ઝંખું હું.
વસંતમાં ખીલેલા ફૂલો જેમ મુખ મલકતું રહે.
મારા હર શ્વાસમાં રાત-દિન રટાય તારું નામ.
તારું દિલ પણ મુજ પ્રેમમાં આમ ધડકતું રહે.
એકબીજાના પર્યાય બનીને ચાલ જીવી લઇએ.
નામ આપણું યુગો સુધી સૌના હૈયે ફરકતું રહે.