શું ફેર પડે છે ?
શું ફેર પડે છે ?
લાગણીના બીજ રોપાયાં છે આ ધરતીમાં,
હવે વરસાદ આવે ના આવે, શું ફેર પડે છે !
પ્રેમના પર્ણો ફેલાયા છે આકાશમાં,
હવે વાયરો આવે ના આવે, શું ફેર પડે છે !
એની આંખનું કાજળ હસી રહ્યું છે મારી આંખોમાં,
હવે નીંદર આવે ના આવે, શું ફેર પડે છે !
ચહેરાનું નૂર ટપકે છે એના ગાલ પર,
હવે તડકો આવે ના આવે, શું ફેર પડે છે !
એના સ્મિતની લહેરખી પથરાઈ છે મારા દિલમાં,
એ જાતે આવે ના આવે, શું ફેર પડે છે !
મારી હૈયાની દોર આપી દીધી છે એના હાથમાં,
હવે એ હા પાડે કે ના, શું ફેર પડે છે !