શાને આવું ?

તમારો જાદુ આમ તો મને અવર્ણનીય લાગે છે

છતાં એનું વર્ણન કરવા મન રોજ-રોજ ભાગે છે,

રચના હાથીની કરી અને એવી જ કીડીની પણ,

માનવદેહમાં ગોઠવ્યું કંઈક અદભૂત એવું લાગે છે,

આપ્યું બુદ્ધિ તત્વ અમને, એનાથી તમને પરખીયે,

તો પણ વિભુ તમારાથી બુદ્ધિ દૂર-દૂર કેમ ભાગે છે ?

સર્વ રચના તમારી જગમાં, સર્વ સર્જન તમારું જ,

તો એ માનવ રોજ-રોજ કેમ એકબીજાને તાગે છે ?

સુખ શાંતિ ને મધુરતાનું સંગીત ક્યાં સંભળાય છે !

વાંસળી જાણે બંધ થઈ અને શંખ યુદ્ધના વાગે છે !