રૂડું રૂપાળું ગામડું
રૂડું રૂપાળું ગામડું
1 min
149
નવા તરંગોથી ચિતરાયેલાં સપના ડોક ઉંચકી જાગે પરોઢે,
કૂકડાની બાંગ પહેલાં જ નયન ખૂલ્યાં ને લાગી ગ્યાં એ વલોણે,
દૂધડાં ભરેલાં માટલાં, થાળી જેવડાં રોટલાં ને મીઠી છાશનાં બોધેણા,
પોયરા આંગણે રમતાં, બાળકો નિહાળે જાતાં ને ભાભાઓ બેસતાં ચોરે,
ખેડૂત ખેતરની વાટ પકડતાં, અતિશય પરિશ્રમને અંતે લહેરાતાં ડૂંડા નિહાળે,
મસ મઝાની જિંદગી, દિ' ઊગેની વાત, ના ઝાઝું વિચારે ને ના દુઃખડાં રોવે,
આવાં મોજે દરિયા ને અંતરથી સાફ માણસ ભારતનાં કોઈ ગામડે જ મળે,
ભોમિયા આખી દુનિયા ફરે, સાચું સુખ પરિવાર સંગ જોઈ, અંતરમાં ટાઢક વળે.