રુહાની છે
રુહાની છે
જીવન એક સંઘર્ષ શ્વાસોની રવાની છે,
દરિયાને શું પૂછીએ નદીની શું કહાની છે ?
નથી જાણતા ખુશ રહે છે એ' અસર તો,
કોઈ પ્રાર્થના કોઈની સુફિયાની દુઆની છે,
પ્રેમ ઈશ્વર છે અને પ્રેમ જ અલ્લાહ છે,
કૃષ્ણની વાંસળી પર રાધા કેવી મસ્તાની છે,
તું ઘટા, તું બૂંદ, તું વરસાદ ને તું જ ચોમાસું,
દિલ એક ગુલમહોર તું મોસમ સુહાની છે,
તારી યાદ અને હોઠ પર મુસ્કાન 'ઝીલ',
એ સ્પર્શ એ અહેસાસ બેહદ રુહાની છે.