રંગોની મોસમ આવી

આવી રે આવી રંગોની મોસમ આવી,

ગમતાંને ગુલાલથી ભરવાની મોસમ આવી,

આંખોમાં પ્રેમ રંગ ભરી કોડભરી કન્યા આવી,

પિચકારીમાં પ્રેમ ભરી વાલમનાં દીલને રંગવા આવી,

કેસૂડાંને ફાગણમાં ફૂટી જવાની,

કેસરી પાનેતર પહેરી પિયુને મળવા આવી,

જિંદગીની સાંજ તો હતી શ્વેત સુહાની,

મેઘઘનુષ્યનાં મસ્તીના રંગો પૂરવા સંધ્યા આવી,

વસંતનો વાયરો વાયો ને ફૂલો ઉપર પતંગિયું રંગોળી કરવા આવ્યું,

નવરંગી ચુંદડી ઓઢી વનરાજી રંગોત્સવ મનાવવા આવી,

સૃષ્ટી આખી રંગોની મોસમમાં ઝૂમે છે કેવી મજાની,

ચાલને "દીપ" રંગોત્સવમાં આપણે પણ થોડા છબછબિયાં કરી રંગોત્સવ મનાવીએ.